7 طرق جديدة للربح من التيك توك

أهلا بكم اصدقائي في مقال جديدة عن الربح من التيك توك. تطبيق تيك توك من التطبيقات المشهورة اللي بتدخل دهب لصناع المحتوى المبدعين في المجالات المختلفة. فلو كنت من المبدعين وعندك شغف صناعة المحتوى، ممكن جدا تتربح من التيك توك وانت بتعمل حاجة بتحبها. سواء كنت بتعمل فيديوهات دروس خصوصية او رقص او فيديوهات ترفيهية، هتقدر تعبر عن شخصيتك بحرية على التيك توك.

سؤال: هل تحقيق الأرباح على تيك توك سهل ولا صعب؟ جواب: الحقيقة هي سهلة وصعبة في نفس الوقت. خليني اشرحلك نقطة أساسية قبل ما نتكلم عن طرق الربح المختلفة من التيك توك.

ماهى شروط تفعيل الربح من تيك توك وكم يُمكنك أن تربح؟

انا عرفت الكلام ده عن تجربة ولأني كنت ومازالت بصنع محتوى على التيك توك. فخليني انقلك خلاصة خبرتي. اولا، الصعوبة هي انك تبني لنفسك قاعدة جماهيرية على التيك توك. يعني عشان تفعل الربح وتستمر في تحقيق أرباح، هتحتاج يكون عندك 10،000 متابع وكل ما يزيد المتابعين والمشاهدات كل ما بتتوفرلك فرص ربح اكتر.

لأن الفكرة كلها هي وجود جمهور بيتابعك وبيتفرج عليك ويسمعك. من غير جمهور ومن غير مشاهدات مفيش ربح ولا ارباح. انما انت بتحصل على أرباح بناء على عدد المتابعين و المشاهدات اللي فيديوهاتك بتحققها. يعني هيبقى صعب تعمل أرباح معقولة بدون متابعين ومشاهدات. وهنعرف اكتر عن شروط الربح في الدقائق القادمة.

1. سوق المبدعين

البراندات على تيك توك تقدر تفتح الحساب بتاعك وتشوف عندك متابعين قد ايه والريتش بتاعك عامل ازاى. وبناء عليه ممكن تدفعلك فلوس علشان تشارك في حملة إعلانية. يعني مثلا لو واحدة بلوجر تجميل 💄 وبتعمل محتوى مكياج وكده. ممكن براند تطلب منها عمل فيديو عن المنتج الجديد بتاعها. لأن صانعة المحتوى ليها جمهور مهتم بالمنتجات دي فهتوصلهم بسهولة. وبكده صانع المحتوى ممكن يحقق ارباح من التعاون مع البراندات.

والاشتراك في سوق المبدعين له شروط معينة زي مثلا انك يكون عند 10 الاف متابع وحسابك نشيط وبتنشر محتوى جديد باستمرار. والمهم يكون المتابعين والمشاهدات اللي عندك متحمسين للمحتوى وعليه طلب.

لو انت جديد خالص متفكرش في الأرباح قبل ما يكون عندك متابعين كتير ومحتوى بيجيب مشاهدات والريتش عندك عالي. وبعدين الفلوس بتيجي من كده، مش بتيجي بمجرد انك فتحت حساب وابتديت تنزل محتوى.

2. الاشتراكات

وطبعا الاشتراكات من الطرق الأساسية للربح على التيك توك. وتقدر تجمع ماسات 💎 من التيك توك مع كل مشترك جديد وده بيزود شعبيتك على التيك توك. ده غير ان المشتركين بيدفعوا اشتراك شهري علشان يشتركوا في المجموعة بتاعتك. وبتقدر تقدملهم مزايا خاصة زي انك تعمل بادجات وايموجي خاصة بالجروب بتاعك. وتكتبلهم رسائل ترحيب خاصة محدش يشوفها غيرهم. وكمان انت بتحدد سعر الاشتراك الشهري اللي ممكن يبدأ من 100 جنيه لغاية 3000 جنيه للمشترك الواحد.

ومن المميزات اللي ممكن تقدمها للمشتركين:

• إعطاء الأولوية للرد على رسائلهم وتعليقاتهم
• تذكر أسماؤهم أثناء البث المباشر
• يختاروا موضوع البث المباشر اللي هتتكلم فيه
• تعمل فيديوهات خلف الكواليس محدش يشوفها غيرهم
• يطلعوا معاك في البث المباشر
• يطلبوا منك طلبات خاصة

كل المميزات دي بتعمل تجربة خاصة للمتابعين وبتكون عندك كوميونتي خاص بيك على التيك توك بشخصية مستقلة وتوجهات وأفكار بتربط المجموعة ببعض. وده بيخلي التيك توك له طعم تاني. وبرضه بيديك فرصة تحقق أرباح كبيرة من المحتوى بتاعك على التيك توك خاصة البث المباشر.

3. متجر تيك توك للمبدعين

ومن طرق تحقيق أرباح على التيك توك كمان طريقة المتجر. وهي انك ممكن تعرض منتجات من براندات و بائعين في الفيديوهات بتاعتك. وممكن المتابعين يشتروا المنتجات دي من الفيديوهات بتاعتك مباشرة. ولما ده بيحصل انت بتحصل على نسبة من الربح كله. يعني لو عرضت منتج على صفحتك واتباع بتاخد نسبة. وطبيعي كل ما يكون عندك متابعين اكتر وبيشتروا اكتر، كل ما ارباحك بتزيد من المتجر.

ودي كمان جزء من سوق المبدعين. اللي هو البراند ممكن تختارك علشان تعرض المنتجات بتاعتها لأن المحتوى بتاعك له علاقة بالمنتجات دي. والمتابعين مهتمين بيك و بالمحتوى بتاعك يبقى ممكن يشتروا منك وانت تجمع أرباح. وعلشان تشترك في برنامج متجر تيك توك للمبدعين لازم يكون عند 5000 متابع على الاقل وطبعا المحتوى بتاعك متوافق مع شروط التيك توك وأمانة المجتمع.

4. هدايا الفيديوهات

ومن أهم وسائل الربح على التيك توك هي هدايا الفيديوهات. يعني المتابعين ممكن يدعموك والمحتوى بتاعك عن طريق كوينات التيك توك. والتيك توك يكافئك على جمع الكوينات. الفكرة مش انك تكسب فلوس بس دي هدايا بتشجعك علشان تستمر في نشر محتوى اكتر.

وممكن تفعل الطريقة دي بعد ما توصل لـ10 الاف متابع والفيديو نفسه يكون متوافق مع شروط الهدايا. غير أن حسابك لازم يكون نشيط في آخر 30 يوم وكده.

والفيديوهات المفيدة بجد واللي بتنتشر بسرعة وتعمل مشاهدات كتير في وقت قصير ممكن تكون هي المطلوبة. يعني الفيديوهات دي هي اللي ممكن تاخد عليها هدايا.

5. العمل مع الفنانيين

الميزة اللي بعد كده للربح من التيك توك هي العمل مع الفنانيين. يعني مثلا احنا عارفين ان كل واحد بيعرض موهبته على التيك توك وفي ناس بيحققوا شعبية كبيرة. ومثلا ممكن مطرب صاعد ينزل اغنية على التيك توك. اغنية جديدة. فأنت كصانع محتوى ممكن تستخدم الاغنية دي في الفيديوهات بتاعتك.

وكل ما الفيديو بتاعك ينتشر ويعمل لايكات ❤️ ومشاهدات ومشاركات اكتر كل ما تكسب اكتر. ومن أهم شروط العمل مع الفنانيين هو انك تكون 18 سنة على الأقل وعندك 1000 متابع وتنجح في اختبار الغش. يعني متجبش مشاهدات مغشوشة وكده.

6. هدايا البث المباشر

ودلوقتي بقى نيجي لأرباح التيك توك من البث المباشر. ودي عبارة عن ان المتابعين بيبعتولك هدايا على البث المباشر. واشهر نمط ليها هو نمط التحديات المثير للجدل. وبيحقق ارباح لصناع المحتوى. وزي ما اتكلمنا في أرباح الاشتراكات. صانع المحتوى بيكون مجموعة من المتابعين والداعمين. وبعدين يدخل ضد صانع محتوى في تحدي وطبعا الكسبان بيحكم على الخسران بأحكام صعبة وقوية.

فأنت لو ليك في جو التحديات وعندك قاعدة شعبية تدعمك ممكن تدخل تحديات. وكل ما يكون حسابك كبير ومشهور وكل ما يكون حساب الخصم كبير ومشهور بيكون التحدي مثير وبيجذب داعمين اكتر. والهدايا اللي بتجيلك عن طريق البث المباشر بتكون مجزية. بغض النظر عن الأخلاقيات، احنا هنا مش وعاظ بس بنثق في قدرة القارئ الكريم على التفرقة بين الخير والشر.

7. دعوة الأصدقاء

وبكده نكون خلصنا كل طرق الربح من التيك توك المتاحة لينا. بس في طريقة واحدة لو انت جديد خالص واول مرة تفتح التيك توك وهي طريقة دعوة الاصدقاء. وممكن تكسب منها 800 جنيه. والطريقة هي انك بيكون ليك كود معين تديه لاصحابك ولما ينزله التيك توك ويستخدمه كود الدعوة بتكسب من وراهم 80 جنيه.

وكل ما صاحبك يستخدم التطبيق اكتر كل ما انت تربح اكتر. يعني لما يستخدم التيك توك ويتفرج على نص ساعة فيديوهات بيتحولك 80 جنيه تاني. وطول ما هو بيستخدم التطبيق انت بتستفيد. وصاحبك نفسه ممكن يدعو اصدقائه بالكود بتاعه. وانت ممكن تدعو صحابك التانيين بالكود بتاعك. فكل ما تنشر التطبيق كل ما بتحقق ارباح منه. حتى لو انت منزلتش ولا فيديو ولا بتعمل اي محتوى انت بتنشر التطبيق بس وبتاخد فلوس عليه.

كيف يمكن سحب أرباح تيك توك؟

وبكده تكون خلصت مقالتنا النهارده، واكيد السؤال اللي بيسأل نفسه دلوقتي ازاي اسحب أرباح التيك توك؟ لو نشرت المحتوى وبقيت صانع محتوى مشهور وفعلت الأرباح هيبقى سهل انك تسحب ارباحك عن طريق البنك او الباي باي. طيب ايه الخطوة اللي بعد كده علشان تبدء؟ لو شايف ان ده كارير مناسب لك وتقدر تنجح فيه وعندك ارادة وعزيمة، اول خطوة انك تتعلم اكتر. ابدء حساب جديد وابدأ في إنشاء ونشر المحتوى الجذاب. وهتلاقي تيك توك بتقدم برامج تعليمية مجانية تساعدك للوصول الي مرحلة الاحتراف بسرعة.

اديك عرفت اكتر الطرق المفيدة للربح من التيك توك. انت مش محتاج كاميرا احدث موديل ومعدات بالشيء الفلاني. بالعكس، تقدر تبدأ بكاميرا الموبايل من اوضة نومك. وكل ما يكون المحتوى بتاعك حلو ومسلي ومفيد، كل ما هتزود فرص الربح من  تيك توك. الصعوبة انك تجمع اول 1000 متابع، بس بعد كده الدنيا بتبقى سهلة. نصيحة: التزم واستمر، وهتلاقي نتيجة ترضيك. يالا مستني ايه؟ ابدأ تدخل دهب من على التيك توك زي باقي المبدعين واشوفك على صفحة فور يو!