نصائح مذاكرة للطالب المتوسط الذي يريد الحصول على الدرجة النهائية ويقفل الامتحان

مهارة المذاكرة اساسية لجميع الطلاب سواء في المدرسة أو الكلية. لكن مما تتكون تلك المهارة وكيف تحصل عليها وتنميها؟ بعد كل شئ، مجموعك يعتمد بشكل كبير على قدرتك على تحصيل وفهم والإلمام بالمنهج.

يمكنك أن تسمع وتفهم كم كبير من المعلومات في الحصة. ولكن استيعاب وحفظ هذه المعلومات ليس بالأمر الهين. كما أن استرجاعها وقت الامتحان يشكل تحدي كبير بالنسبة للعديد من الطلبة. بس متخفش...

المذاكرة مش المفروض انها تكون حاجة سهلة وممتعة

اولا دي شوية مباديء عامة في المذاكرة تفهمك يعني ايه مذاكرة و ازاي تزاكر صح على حسب شخصيتك. والمقال ده للمعلومية فقط يعني دي مجرد نصيحة انت حرة تاخدي بيها وتنسيها.

لو انت قاعد بتذاكر ومستمتع بالمذاكرة وشايفها سهلة، يبقى انت مش بتذاكر صح. المذاكرة يعني انت بتستذكر دروسك. يعني بتفهم وتحفظ معلومات جديدة علشان تفتكرها بعد كده. فلو دي معلومة جديدة على مخك، فأنت مخك هيرفضها تلقائي وغالبا مش هتتفهم من اول مرة.

خاصة لو بتحاول تذاكر مفاهيم علمية أو معادلات رياضية معقدة. فهي مش بس جديدة على مخك لكن اصلا مش مفهومة. ولأن المخ ملوش reference او مرجع او معلومة شبيهة يربطها بالمعلومة الجديدة يبقى هتحتاج تقرأ وتسمع المعلومة اكتر من مره باكتر من طريقة علشان تثبت في دماغك.

فلو انت قاعد بتذاكر وشايف المعلومات بتتفهم وتتحفظ بسرعة يبقى انت غالبا بتذاكر غلط وكل المذاكرة دي في الهوا. الا لو انت فعلا مخك اذكى من المتوسط. بس لو كل ما بتذاكر وبتيجي في الامتحان تغش برضه يبقى انت مش بتذاكر انت بتعمل اي حاجة غير المذاكرة.

إعلان

الكمية محدودة: صن بلوك مناسب جدا للبشرة الدهنية: اضغط هنا

خليك زي السفنجة 🧽

لازم مخك يبقى زي السفنجة. متبقاش متلقي بس. يعني متقعدش في المحاضرة ولا الحصة بتسمع وخلاص. اسأل نفسك:

• ليه التفاعل الكيميائي ده بيحصل بالطريقة دي؟
• طيب ازاي المادة دي بتتفاعل مع باقي المواد؟
• ايه علاقة التاريخ ده بالحادثة الكبيرة دي؟
• هل في تشابه بين نتيجة المعادلة دي والمعادلة الثانية؟

طبعا هتلاقي نفسك بتسأل اسئلة كتير لو الموضوع جديد. وده شيء كويس لان الاسئلة دي هتقربلك المعلومه وتسهلها اكتر. طبعا دي عملية ذهنية بينك وبين نفسك. المهم انك تشغل مخك وتبدأ انت بنفسك تدور على معلومات اكتر مش مجرد انك قاعد بتتلقى المعلومة.

يعني وانت بتسمع المحاضرة اكتب النقط اللي مش فاهمها وبعد ما تخلص حاول تسأل الاستاذ فيها أو تدور عليها على النت. الدكتور دايما كان ينصحنا نستعد للمحاضرة من قبل ما تبتدي اصلا. ونجهز اسئلتنا من الاول وده بيساعدك تفهم بطريقة اعمق وافضل.

حاليا ممكن تلاقي محاضرات ومعلومات بالبحث انما ده مكنش متوفر لغاية وقت قريب. انت دلوقتي تقدر تستخدم الذكاء الاصطناعي في تبسيط المعلومات ويشرحلك الامور بكل بساطة.

فانت خليك زي الاسفنجة تمتص كل المعلومات، تفرزها، وبعدين ترتبها بطريقة عقلانية. طبعا أستاذك وزمايلك هيساعدوك كتير ويفهموك. بس انت كمان ساعد نفسك وحاول تدور على المعلومة وتجيبها وتذاكر لوحدك لأنك لو اعتمدت على الشرح بس او ان حد يفهمك كل حاجة، هتلاقي نفسك مش فاهم حاجة في الاخر. بس لو اعتمدت على الشرح وبحثك الشخصي هتلاقي نفسك بتفهم وتستوعب اسرع. يعني مارس اللي انت بتتعلمه وخليك متفاعل.

متخفش انك تغلط 😔

امتحن نفسك قبل أن يمتحنك الآخرون. يعني كل ما تتعلم معلومة جديدة، امتحن نفسك فيها على طول. وطبقها في حياتك في اقرب وقت. متستناش مثلا انك تتقن المعلومة لأنك مش هتتقنها غير لما تغلط فيها وتصلحها لغاية ما تثبت في النفوخ.

مثلا لو بتتعلم لغة جديدة، لازم تبدأ تستخدمها من اول يوم. حتى لو هتقول إسمك وبتتعلم اللغة دي ليه. بس لازم تغلط وتتعلم. حتى لو أخطأت أخطاء "غبية" لازم تغلط وتصحح لنفسك. فهي المذاكرة مش عملية سهلة وساعات بتكون مؤلمة كمان. هي دي الحقيقة المُرة للحصول على الدرجة النهائية.

لما المعلومة تثبت في دماغك وتفهمها كويس ساعتها هتحس بالإنجاز والتميز وثقتك في نفسك هتزيد. هو ده الفرق بين الطالب اللي بيجيب درجة النجاح والطالب اللي بيقفل الامتحان. انك مستعد تغلط وتفشل وتتعلم علشان ميتكررش غلطاتك. إنما الطالب العادي بيخاف انه يجرب اصلا وبيفوت عليه الفايدة.

المهم، هو انك كل ما تغلط اكثر وتصحح المعلومة كل ما المذاكرة بتاعتك تجيب نتيجة كويسة. متخفش انك تغلط لان هي دي الطريقة اللي هتتعلم بيها. واللي تثبت المعلومة في دماغك. واختبر نفسك باستمرار علشان تفتكر المعلومة وتثبتها اكتر في النفوخ.

إعلان

البشرة الدهنية تحتاج الى صن بلوك من نوع خاص: اضغط هنا

استخدم الساعة ⏲️

من المعتقدات الشائعة الغلط عن المذاكرة انك تقدر تقعد 2-3 ساعة متواصلين بتذاكر. وده عادي لو انت اينشتاين. بس غالبا انت مش اينشتاين ومش هتقدر تقعد كل الوقت ده بتذاكر متواصل. ولو قعدت ساعتين ورا بعض بتذاكر فأنت مش هتفتكر حاجة وكأنك مذاكرتش اساسا. ليه؟ لأن مخك مش هيقدر يفضل مركز طول الفترة دي من غير ما يهنج.

والتركيز اهم حاجة. من غير تركيز ولا هتفهم ولا هتفتكر المعلومات. طيب هتعمل ايه؟ احسن وابسط طريقة علشان تستغل وقت المذاكرة صح هي انك بتذاكر من 20 لـ30 دقيقة متواصله بعدين تاخد بريك 5 أو 6 دقائق. بعدين بترجع تذاكر بتركيز 20 أو 30 دقيقة بعدين تاخد بريك مثلا تاكل سندوتش تونة او تعمل تمرينات رياضية خفيفة.

• خصص مكان للمذاكرة خالي من المشتتات لتحصيل العلم
• احرص على الحصول على قسط وافر من النوم كل ليلة
• يجب ان تشرب ماء كافي وتتناول غذاء مفيد لصحة المخ

لو عملت تلات اربع حصص بالشكل ده هتستفاد جدا وهتطلع من المذاكرة فايق. والمهم انك هتسترجع المعلومة لما تحتاجها في الامتحان. انما مينفعش تفضل ساعتين ورا بعض عمال تحفظ وتدش لان المعلومة عمرها ما هتثبت. فلو عايز تذاكر صح اقعد قسم الساعتين تلاتة دول عشرين تلاتين دقيقة مذاكرة وخمس عشر دقائق راحة.

حط جنبك ساعة او ستوب واتش ⏱️ وقسم وقتك بطريقة صح ومريحة ليك. علشان تذاكر بذكاء وأقل جهد.

الخلاصة

وفي النهاية، المذاكرة مش دايما بتكون ممتعة ولذيذة الا بقى لو بتذاكر مادتك المفضلة. والمواد الصعبة هي صعبة علشان المعلومات جديدة وغريبة على دماغك. بس لو فضلت تفكها وتحللها بمنهجية، هتلاقي نفسك بتفهمها بسهولة وممكن تحبها عادي. وده بيحصل لما تبطل تكون متلقي وتشترك في تعليم نفسك عشان تفهم المعلومة بكذا طريقة من كذا مصدر. وخليك اسفنجة تمتص كل المعلومات وربطها ببعضها وافهمها بطريقتك. والاهم من كده انك متخفش انك تغلط لأنك هتفهم وتتعلم والمعلومة تثبت لما تغلط كذا مرة و تصحح لنفسك. ومتنساش تاخد رأي استاذك او استاذتك وتناقشه في افكارك عشان متفهمش حاجة غلط.

لازم تمتحن نفسك كتير وتختبر نفسك لغاية ما تلاقي نفسك متمكن من المعلومة دي. ولما تذاكر متقعدش ساعتين ورا بعض حاول تذاكر نص ساعة وتاخد خمس دقائق راحة. يعني ذاكر على مراحل مش كله ورا بعض. انت في المدرسة بتاخد حصص ورا بعض مش بتاخد كل الدروس مرة واحدة ولما تذاكر قسم وقت المذاكرة كمان. ونصيحة أخيرة: ذاكر وراجع اللي ذاكرته. كل فترة (شهرين تلاتة) ذاكر المعلومات تاني علشان حتى لو ذاكرتها صح وأثبتت في دماغك، ممكن تتنسي مع الوقت.

وشكرا لكم واتمنى لكم النجاح والتوفيق وتحقيق الدرجة النهائية.