لو أدمنت العادة السرية والسقوط في مصيدة المقاطع الإباحية،،، المقال ده ليك

العاده السريه. وما هي العاده السريه؟ لماذا قد يلجأ البعض الى ممارسه العاده السريه ويصر عليها حتى تصل إلى حد الإدمان المدمر؟ هل لها اضرار؟ هل يجب الاقلاع عنها؟ ولماذا؟

يواجه شباب اليوم خطر الغرق في مستنقع الاباحية. بل وايضا الكبار. لم يكن الحصول على المادة الاباحية أسهل من ذي قبل مثل الآن. فهل نحن مستعدون للتعامل مع هذا التهديد؟ دعونا نتحدث بطريقة أكثر تفصيلا وعمقا في هذه القضية الحساسة.

أسباب ادمان العادة السرية على المقاطع الاباحية

من ابرز اسباب العادة السرية هو أن الإنسان جواه طاقة زيادة. للاسف، مع ارتفاع تكاليف الحياة بيبقى صعب تفريغها بالحلال. فهنا يلجأ لمشاهدة المقاطع الاباحية وأنه يريح نفسه بنفسه. اولا كده، عايزين نفرق بين إدمان العادة السرية لوحدها وبين إدمان مشاهدة المقاطع الاباحية لوحدها وبين كمان إدمان ممارسة العادة السرية أثناء مشاهدة المقاطع الاباحية.

فلو عايزين نبطل العادة السرية لازم نعمل التفرقة دي ونفهم الاسباب علشان ننجح في التخلص من العادة السریة ومترجعش تانى.

العادة السرية هي سلوك يمارسه الإنسان بلمس اعضاؤه الخاصة بهدف إثارة الشهوة والحصول على اللذة. وبلاش نخش في تفاصيل اكتر من كده. عادة الشخص يمارس العادة السرية أثناء مشاهدة مقاطع اباحية على الانترنت.

مع الاعتياد يتحول السلوك ده الي سلوك قهري. متقدرش تبطله حتى لو عايز تبطل. بيتحول الى نمط سلوكي معرفي وأسلوب حياة صعب تغييره او روتين صعب يتكسر.

ما هي النتائج النفسية السلبية لإدمان المقاطع الاباحية؟

ومع الأسف، بيحصل تغيرات في كيمياء مخ الشخص بحيث أنه يفقد القدرة على التحكم في رغباته. وده بيأدي أنه يقوم بتصرفات غير لائقة اجتماعيا. كما أن إدمان المقاطع الإباحية يؤثر على إفراز هرمونات السعادة بطريقة تجلب الاكتئاب وتجعل الشخص كاره الحياة. واخيرا يؤدي ادمان العادة السرية على المقاطع الاباحية الي البرود الجنسي. بحيث تكون الطريقة الوحيدة للحصول على الإشباع الجنسي هي مشاهدة الافلام الاباحية حتى لو تزوج المدمن بعد ذلك.

غالبا المدمن مش اجتماعي واناني ورؤيته للعالم مشوشة ومش قادر يعيش ويتأقلم مع الناس حواليه. كمان بتتشوه علاقته بالجنس الآخر، وبتتحول رؤيته إلى الشهوانية البحتة. يعني مثلا بيقارن البنات بممثلات البورنو فائقة الجمال بدون ما يشعر. وطبعا دي مقارنة غير منطقية. ولما تبطل مطالعة المقاطع الاباحية، بتشوف حاجات كانت مستخبية عنك كأنك عايش في عالم موازي. وتسأل نفسك هي البنات احلوت كده ليه؟

وكمان الفتاة ممكن تتعود على مشاهدة الأحجام المبالغ فيها لممثلين البورنو. وتبدأ تقارن إمكانيات زوجها بامكانيات الممثل. والممثل بياخد منشطات وعمليات علشان يبان انه رجل خارق. وبيحصل انفصال عن الواقع كبير واحباط اكبر لما الزوجة تنزل على أرض الواقع وتلاقي ان زوجها انسان طبيعي مش زي الافلام السكس. يعني بتخلق توقعات غير واقعية صعب تتحقق بالإمكانيات الحالية. النتيجة الوحيدة بتكون احباط كبير.

علاج العادة السريّة

طيب هو صعب تبطل العادة السرية والمقاطع الاباحية؟ لو انت عندك رغبة حقيقية وصادقة مفيش حاجة صعبة. بس درجة السهولة بتختلف من شخص للتاني وعلى حسب مدة الادمان. يعني كل ما تطول الفترة كل ما هيبقى صعب تتخلى عنها. ولأن مع مرور الوقت الاعتماد على المادة مش بيكون جسدي فقط بل بيكون نفسي ايضا زي ما قلت.

فأنت لما تطول بيكون في ارتباط نفسي وده صعب تكسره اصعب كمان من الادمان الجسدي. العادة السرية مع المقاطع الاباحية بتكون عندك رابط نفسي بيكون مؤلم اكتر بكتير من الألم الجسدي. احسن طريقة علشان تبطل هي معالجة المشكلة الأساسية اللي دفعتك للإدمان من الاول.

وكشف الكاتب الأمريكي نابليون هيل عن سر التحول الجنسي في كتاب فكر تصبح غنيا. وبيقول ان كل العباقرة اللي انجزوا حاجات عظيمة، عرفوا السر ده. وانك تقدر تحول الرغبة الجنسية إلى طاقة دفع لتحقيق أهداف ثانية في مجالات أخرى:

• ممكن تستغل الطاقة دي في الحصول على جسم صحي في الجيم
• يمكن تحويلها لطاقة إبداعية في مجال الرسم والموسيقى والتمثيل الخ
• ممكن تستغلها في بناء شركة ناجحة تدير لك الاموال والارباح
• ممكن تفرغها في العبادة والتوبة إلى الله والحصول على رحمته

افتكر انك كنت في يوم من الايام متعرفش يعني ايه عاده سريه ومقاطع اباحية. انت مبقتش مدمن في يوم وليلة. العملية جات معاك بالتدريج. وبرضه التخلص منها هيكون بالتدريج. فلو بتتفرج على مقاطع اباحية كل يوم. ابدأ تتفرج كل يومين. بعدين بالتدريج ابدأ انك تقلل من استهلاك المواد دي. احذف الملفات ولو مشترك في خدمة، الغي الاشتراك. وهكذا.

لماذا يجب عليك التفكير في التخلص من العادة السرية؟

هي الفكرة في انك تبطل العادة السرية انك تكون شخص عقله اكبر من كده. تبقى شخصية مضادة للحاجات دي. متكونش الشخص الانطوائي الخجول ضعيف الشخصية الذي استسلم لشهواته بسهولة ويسهل السيطرة عليه. خليك الشخص قوي الشخصية الذي يقاوم الإدمان ويقدر يعتمد على نفسه في أنه يشبع رغباته دي بطريقة طبيعية.

فحاول انك تقاوم غواية الشيطان وتزيينه السموم دي. لأن ادمان المواد الاباحية أصبح مرض العصر واكبر تحدي للشباب. دي حاجة حرفيا بتمص دمك وتفرغ الطاقة اللي عندك. يبقى بدل ما تشتغل وتبدع وتفيد المجتمع بقيت عالة على المجتمع لان معندك طاقة تنتج حاجة لتفيد نفسك وتفيد الناس.

فغير طريقة تفكيرك وبعدين هتقدر تبطل العادة السرية. يعني متدهاش اولوية في حياتك وتديها حجم اكبر من حجمها. طبعا دلوقتي سهل جدا الواحد يفتح النت ويدخل على المواقع ويحمل المقاطع ومع كل شوية في جديد بقيت عايز الحاجة دي باستمرار. انا مش بقولك خزن الطاقة دي لان كبتها هيؤدي انك تنتكس تاني. بس بدل ما تصرف طاقتك في حاجة مضرة وتغضب ربنا وجهها في طريق شرعي وبناء.

الطاقة دي حاجة جبارة لو قدرت تستخدمها صح وممكن تطور من شخصيتك وتغير حياتك. بس العادة السرية مع مشاهدة المقاطع الاباحية تهدر الطاقة دي في الهوا متبقاش استفدت منها ومع الوقت بتستهلك كل طاقتك ومش بيبقى عندك اي رغبة تعمل اي حاجة تانية. ده غير انها بتنزل غضب ربنا عليك وتحرمك من رحمته.

متى تصبح العادة السرية سلوكًا قهريًا؟

واخيرا وليس اخرا: أيا كان هدفك في الحياة فأكيد، أكيد، أكيد كمان مرة ادمان العادة السرية مع مشاهدة المقاطع الاباحية مش هيساعدك توصل للهدف ده. إلا لو كان هدفك تبقى انسان مدمن وفاشل وانطوائي ومقرف. أما لو كنت عايز تبقى انسان ناجح في شغلك وحياتك الشخصية والاجتماعية والمهنية والعاطفية فلازم تستغل طاقتك صح وتوظفها في الحاجات اللي تبنيك مش تهدمك.

خلاصة الأمر

وفي نهاية المقالة شكرا لكل من ساهم في اخراج هذا العمل للنور سواء بالتشجيع أو إضافة أفكار جديدة. واتمنى لكم النجاح في التخلص من العادة السرية اللي هي ضررها أكبر من نفعها بكتير ده لو كان ليها نفعان. وأفضل حل هو انك توجه شحنة الطاقة الزيادة في التقرب من ربنا بالصلاة والصوم والصبر. وبعد كده تطوير شخصيتك بحيث انك تقدر تقاوم مرض العصر الحديث ادمان المقاطع الاباحية. واتمنى لكم الشفاء العاجل وتكونوا أشخاصا نافعين لأنفسكم ولغيركم مش عبء على اللي حواليكم. والي ان نلتقي مرة اخرى في المقال القادم لكم مني اطيب وارق الامنيات بالنجاح والتوفيق. ولا تنسوا مشاركته مع الاصدقاء.