ماذا تفعل المرأة الشمال… نصائح السعادة الزوجية للستات خلي جوزك يموت عليكى وميشوفش غيرك 18+

الستات مجانين بس معذورين. عندهم التزامات كتير ووقتهم قليل. مطلوب منهم الاهتمام بالبيت والاولاد واسعاد الزوج. في مقالنا النهاردة هنتكلم عن اسرار السعادة الزوجية للستات تخلي جوزك يموت عليكي وميشوفش غيرك. يعني مهارات شبه اساسية علشان تخليكي زوجة ناجحة وتحافظي على زوجك.

وزي ما اتكلمنا البلوج اللي فاتت عن النجاح في البورصة. النهاردة هنتكلم عن النجاح برضه بس النجاح في الزواج. ويقول الخبراء ان السعادة الزوجية رزق من الله. يعني احنا بناخد بالاسباب وممكن ننجح او لأ. لأن دي حاجة بتيجي من ربنا زي ما كل حاجة بتيجي منه. مش كل الرزق فلوس. فحاولي توصلي للسعادة الزوجية على قدر ما تقدري بس متزعليش وتحزني لو ده محصلش.

النظافة الشخصية

موضوعنا النهاردة محرج وجريء في نفس الوقت.

الفانتازيا من اساسيات نجاح العلاقة الزوجية. وعلشان نخلق حالة الفانتازيا في العلاقة لازم نشتغل على نضافة. يعني مثلا انت لما بتتفرج على فيلم وتحس ان الممثل بيبالغ في التمثيل يتحس بملل وبتكسر حالة الاندماج مع الحكاية اللي بتسمعها. وكذلك العلاقة الزوجية هي نوع من الفانتازيا فأي تفصيلة ممكن تكسر الحالة الرومانسية ومش محتاج افسر اكتر من كده. بس هفسر.

انا بتكلم هنا عن النظافة الشخصية: من اهم عناصر النظافة الشخصية التعطر لان الروائح الجميلة بتحفز مخ الانسان بطريقة جبارة. وازالة الشعر الزائد من المناطق الحساسة، والاستحمام كل يوم. وتبييض البشرة والاهتمام بيها ونعومتها وتجديد الخلايا. كل الحاجات دي ضرورية علشان تخليكي جذابة في عيون جوزك. لأن بصراحة اكيد هو بيشوف المودلز والممثلات في التلفزيون ولا شعوريا بيقارنك بيهم ويقول داحنا مش عايشين.

لاحظي انك بتتنافسي على انتباه جوزك مع ملكات الجمال. فلازم دايما تكوني ريحتك حلوة وجذابة في عيونه. لأن الرجالة كائنات بصرية يعني بيحصلهم اثارة من النظر.

التدبير المنزلي

وهنتكلم في تفاصيل اكتر في باقي البلوج بس دلوقتي نتكلم في بند مهم في السعادة الزوجية. ستات كتير عايزين يشتغلوا ويعملوا دخل اضافي. بس وظيفة ست البيت دي وظيفة في حد ذاتها. لأنها مسؤولة عن ادارة البيت واحتياجاته وطلباته ودي مهمة صعبة جدا محتاجة وقت وطاقة كبيرة.

يعني لازم تعرفي ازاي تبقي ست بيت شاطرة علشان البيت يمشي من غير صداع وعلى رأي المثل اطبخي يا جارية كلف يا سيدي. لازم ست البيت الشاطرة تعرف ازاي تدير البيت من كل احتياجاته يعني هي اللي بترتب البيت ومش قصدي انها تطبخ وتنضف وتمسح. في مهمات تانية زي معرفة الموازنة العامة مثلا. ولما البيت نفسه يكون هاديء ومنظم هيكون بيئة خصبة علشان تزرعي السعادة الزوجية بس لو البيت مش منظم وناقص حاجات كتير هيبقى صعب نحقق السعادة الزوجية في بيئة مسممة.

اقصر طريق لقلب الرجل

وده يخلينا نرجع لمرجوعنا: اكيد الاكليشيه اللي كلنا عارفينه هو ان اقصر طريق لقلب الرجل هو معدته. طبعا ممكن تبسطي الراجل بأنك تعمليله الاكل اللي بيحبه وتخليه يرجعلك بس هل مجرد اشباع شهوة الطعام عند الراجل كافي لتحقيق السعادة الزوجية؟ اكيد مش دايما.

تحقيق السعادة الزوجية بيحتاج اكتر من كده.

كل الرجالة بتحتاج تشجيع مثلا. الزوج بيحتاج زوجته تكون تلات حاجات. اولا، انه يلاقي فيها حنان الام وانها تحبه جدا حب غير مشروط. وثانيا، تكون صديقة وقت الضيقة تسمع لشكوته وتفهمه وتنصحه. وتالت حاجة انها تكون عاهرة معاه في الفراش وتشبع كل رغباته المكبوتة.

ساعتها ممكن تتحق السعادة الزوجية. لكن لما تعملي اقل حاجة مطلوبة بعدين متحققيش الحياة الزوجية السعيدة متبقيش تسألي ليه.

متفتكريش ان الراجل مش حساس وعنده عواطف زي الستات. طبعا الراجل عنده احساس ومشاعر بس هو مطالب انه يخفيها ويكبتها علشان يظهر قوي ومسيطر. بس هو في الحقيقة بيحتاج يفضفض ويحكي عن مشاعره. ويمكن بنقول الستات كائنات عاطفية بس الرجالة برضه كائنات عاطفية لان ربنا خلق العواطف في كل البشر.

الجرائة

الجراءة في العلاقة الزوجية مطلوبة من الراجل والست. واكتر حاجة ممكن تشعلل الراجل هي انك تبادري بالعلاقة وتبدئيها. ومع ذلك تمدحي ادائه ورجولته دايما علشان تزودي ثقته في نفسه، ودي حاجة ليها مفعول السحر. بدل الانتقاد البناء حاولي تشجعيه وتبرليله وتديله اعذار كمان. وهو لما ثقته في نفسه تزيد هتلاقيه بقى احسن.

معظم الرجالة بيحبوا الست الجريئة مش اللي بتتكسف. يعني اللي بتشتم وتقول اسماء الاعضاء وتبين رغبتها وحبها للعلاقة الزوجية وهي اللي تطلبها وتبدء بيها.

بعدين لازم تفهمي هو بيحب ايه في العلاقة. يعني كل راجل له تفضيلات شخصية في العلاقة مش زي التاني. ممكن تسأليه مباشرة او تبدئي انك تجربي حاجات جديدة ومع الممارسة الزوجية هتعرفي هو بيرتاح ازاي. وطبعا في مراكز في جسم الانسان بيكون فيها نهايات عصبية كتيرة بتأدي لزيادة المتعة زي مثلا مناطق معينة في الظهر والرقبة ومنطقة السرة وتحت البطن.

اصل هتتكسفي ليه طالما ده جوزك وفي علاقة شرعية وانتوا الاتنين حلال لبعض. يبقى خلاص منمسكش نفسنا ونستمتع ببعض بس طبعا في حدود الشرع.

الجو الرومانسي

التمهيد للعلاقة اهم من العلاقة نفسها. يعني انا اكاد اجزم ان معظم لذة العلاقة بيكون في اللهفة. لما تيجي تسافري مثلا في المصيف. مش بتفكري في البحر والسما وتفكري هتعملي ايه والراحة والاستجمام؟ التخيل ده بيصنع لذة خاصة باللي هيحصل واللي هتعمليه. مع ان المصيف نفسه ممكن يكون عادي بس الانتظار والشوق له بيكون ممتع في حد ذاته.

كذلك في العلاقة، بس في العلاقة لازم يبقى في مداعبة. العلاقة نفسها مش طويلة او مش بتستمر طويل بس ممكن التمهيد هو اللي يطول ويزود متعة العلاقة.

لازم تدخلي دماغه وتملكي قلبه قبل اي حاجة. لكل انسان تفضيلات تجسد الفانتازيا اللي بيحلم بيها. فالرجل ربما تثيره صورة الرقاصة. ولكن يوجد تفاصيل دقيقة جدا وصغيرة جدا لكل شخص تمثل له قمة المتعة في العلاقة. ويجب ان تعرفي الفانتازيا الخاصة بيه وايضا تعرفيه الفانتازيا الخاص بيكي وتجسدوه على ارض الواقع. ليس من السهل معرفة الفانتازيا ويجب التعمق فيه والتجربة ودراسته جيدا وبتأني حتى تستطيع تحقيقه بحذافيره وعندها سوف يموت جوزك عليكي ومش هيشوف غيرك.

التنوع والتجديد

ومع ذلك مش كل مرة العلاقة هتكون واو، ساعات هتبقى سيئة ساعات مقبولة ساعات رائعة، لكن بشوية تركيز ممكن يكون فوق المتوسط. ازواج كتير بيتجوزوا وبعد سنة ولا اتنين بيكونوا شبعوا وزهقوا من العلاقة.

ويمكن كمان في اقل من ستة شهور. تقريبا الازواج بيكونوا نفسهم في العلاقة ولما بيحصلوا عليها ويعملوها بتتحول لشيء عادي وروتين. وبتفقد البريق والغموض اللي كان حواليها. وبتبرد العلاقة وبتتلاشى تدريجيا زي النار تبات نار وتصبح رماد.

يمكن ده بيحصل للراجل اكتر من الست. الست غالبا عندها رغبة اكتر من الراجل بس دي مش قاعدة يعني.

يعني التجديد مطلوب في العلاقة سواء لو متجوزة من سنة ومن عشرين سنة. ليه التعب ده كله والتفكير. طبعا لان العلاقة الزوجية ركن اساسي في منظومة السعادة الزوجية ومش ممكن كروتتها او اعطائها اصغر من حجمها.

ولغاية هنا لازم نفهم ان دول زوجين وليهم شخصيات مختلفة وتفضيلات مختلفة فمفيش حل شامل. مفيش حركة هتعملها هتخلص الليلة، مفيش كلمة سحرية هتقولها هتحل المشكلة دي. وهي دي المتعة، لأنك هتفضلي تجربي وتغلطي وتتعلمي وتطوري وتحسني من ادائك.

العلاقة الزوجية مراحل ودرجات مش مجرد حركات وكلمات وخلاص. لو عايزة توصلي لدرجات اعلى وامتع لازم تجربي حاجات جديدة واوضاع جديدة تكنيكات مختلفة. مش شقلب واقلب. بس انت اصلا بتتكلمي ان مفيش اي ثقاقة والعلاقة بالنسبة لاغلبية الناس اللي هو للخلفة بس. ناس قليلة مهتمين لدرجة انهم ممكن يقعدوا يبحثوا ويجربوا افضل طريقة.

العاطفة تحكم قلب المرأة

اهمية العلاقة مش مجرد اشباع لرغبة هي كمان بتزود الترابط والتعاطف بين الزوجين. المتعة مش هي الهدف الاساسي، الهدف الاساسي انك تقربي عاطفيا وروحيا وبعدين جسديا.

العلاقة الزوجية ممكن نقارنها باللعب مش عملية معقدة ولازم ناخدها جد. وعايزين نخلصها بسرعة علشان نشطب على البند ده. كأننا مكسوفين او بنعمل حاجة غلط. واللوم مش علينا علشان اهلنا كانوا كده واهلهم كانوا كده بردو. واحنا ورثنا حاجات جميلة من الزمن الجميل بس بردو اتمسكنا بحاجات مبقتش مناسبة لينا. اه كانت مناسبة لاهلنا زمااااااااان، بس دلوقتي هي مانعة تقدمنا الي الامام.

ومن ضمن الحاجات الي ورثناها هي السذاجة في السرير. والجهل المقصود عن امور العلاقة علشان كده في زيجات كتير بتفشل بسبب التوقعات الاوفر.

انا دخلت في النقطة دي علشان يمكن السذاجة دي هي اكبر عائق للسعادة الزوجية. ولو عايزة تحققي السعادة الزوجية الحقيقية الكاملة لازم بشكل او باخر تتخلصي من السذاجة دي كزوجين مش لوحدك.

كلمة ختامية

الكلام عن السعادة الزوجية مبيخلصش، من اكتر المواضيع اللي كانت بتشدني انا شخصيا. ومعظم الكلام اللي اتكلمته كان متلخص من نتيجة ابحاثي اللي عملتها على مرور شهور طويلة وجمعتها من مشاهدة الخبراء والاستشاريين.

بس انصح بالحذر في تناول هذه المواضيع لحساسيتها الشديدة. وعدم الاخذ من مصادر غير موثوقة. وتاني بكرر السعادة الزوجية مسئولية الزوجين ومش ممكن تستقيم العلاقة الا بوجود الحب والتفاهم. لو استفدت من البلوج ده، لا تنسى مشاركته مع الاصدقاء لتعم الفائدة.